Konsehal Judith mitinguha masolusyonan problema sa dulona sa kabarangayan

GITINGUHA ni Konsehal James Judith, Chairman sa Komite sa Arbitration, nga masolusyonan ang problema sa dulona sa pipila ka barangay sa syudad.

Sumala sa konsehal nga daghan pang nakatanggong nga problema sa dulona sa dili pa siya ang chairman sa komite  maong paningkamotan niya nga mapangitaan kini sa solusyon ug iyang  gipasalig  nga himoon sa komite ang tanan uban sa tabang ug kooperasyon sa buhatan sa Department of Environment and Natural Resources (DENR) ug ubang  ahensya sa  gobyerno aron nga masulbad ang maong problema.

Hinoon, mipasabot ang konsehal nga  adunay ubang  barangay nga nagkauyon na ug nasulbad na ang ilang  problema sa dulona apan mabalik ang problema tungod kay bag-o na usab ang mga namunoan sa barangay  hinungdan mopaabot na usab kinig balik sa  ilang mulo ngadto sa komite.

Niini, malaumon si Konsehal Judith nga mahatagan kini sa tukmang  solusyon uban ang  kooperasyon sa kabarangayan.