Konsehal Dahino andam mosuporta alang sa mga hamtong

SI KONSEHAL Edna Marban Dahino, chairman sa komite sa finance sa konseho misugyot paghatag og donasyon ngadto sa senior citizen o sa bisan unsang paagi nga masolusyonan ang ilang mga mulo diha sa ilang pagpabakuna.

Kini ang tubag sa konsehal sa special report ni Konsehal Reuben Daba sa sesyon niadtong Lunes nga gidumala ni Bise Mayor Kikang Uy mahitungod sa kasagarang problema sa mga hamtong nganong magmakuli kini sa pag-adto sa vaccination area.

Nasayran daghang mga hamtong nga gikan pa sa lagyong barangay sa syudad nga galisod sa pag-adto sa vaccination area.

Gipasabot ni Konsehal Dahino nga kon unsa man ang donasyon nga magahom andam usab kini nga mosanong ug modonar aron mahatagan og solusyon ang mulo sa mga hamtong.