Konsehal Daba nanghinaot nga mahatagan kadtong wala makadawat sa Ayuda

NANGHINAOT si Konsehal Reuban Daba nga mahatagan ang mga residente nga wala pa makadawat sa ilang Cash Ayuda sa niaging pagpanghatag.

Kini ang panahom ni Daba sa sesyon sa konseho niadtong Lunes nga gidumala ni Bise Mayor Kikang Uy human gidapit ang kadagkoan sa Department of Social Welfare and Development (DSWD) aron pagpasabot sa mga isyu may kalabutan sa distribusyon sa Special Cash Ayuda ngadto sa mga residente nga naapektohan sa Enhanced Community Quarantine (ECQ).

Gipasabot sa representante sa DSWD nga tungod kay daghan pang mga pamilya nga wala makadawat sa ayuda naghulat ang ilang buhatan sa idusong project proposal sa syudad aron ila kining mapaabot ngadto sa sekretaryo sa ahensya alang sa posibleng pundo.

Nunot niini gihangyo ni Konsehal Daba nga makabuhat na sa gikinahanglan project proposal alang sa maong katuyoan dala ang panghinaot nga mahatagan ang wala pa makadawat sa ayuda.