Konsehal Achas pabor sa modernized jeepney

“TUKMANG pagdumala sa mga modernized jeepney ang gikinahanglan.”

Kini  ang komento ni  Konsehal Rustico Achas, Chairman sa Komite sa Fisheries,  sa special report ni Konsehal Bernie Esparcia    sa sesyon sa konseho niadtong Lunes nga gidumala ni Bise Mayor Bebot Rodriguez mahitungod sa pag-implementar sa  Modernization Program sa mga pampublikong  jeepneys dinhi sa syudad.

Mibutyag ang konsehal nga  pabor siya sa  modernisasyon tungod  gilantaw niini ang kombenyente sa  mga pasahero  tungod kay gawas nga airconditioned dili usab hasol ang ilang pagsakay tungod plastar ang ilang paglingkod.

Gani, matod  ni Konsehal Achas nga adunay mga bag-ong rota nga gipaila  ang lokal nga kagamhanan  apan aduna lang pipila  niini nga dili igo ang kitaon tungod  sa kanihit sa pasahero  nga maagian sa maong rota.