top of page

Kon. Suzette mipahalipay sa mga nakatapos sa tech-voc courses

Si Konsehal Suzette Magtajas-Daba, chairman sa komite sa edukasyon, hugot nga mipaabot sa iyang mainitong pahalipay sa tanang migradwar sa gipahigayong 7th Graduation Ceremony sa CDO Tech-Voc Institute niadtong Enero 26 nga nagdala sa tema: “Advancing Quality and Relevant Skills Training for Life and Work”. Ang maong okasyon gipahigayon sa CDO Technical Vocational Institute Campus sa Barangay Agusan, ning syudad.

Sa iyang mensahe, dako ang pasalamat ni Daba ngadto sa administrasyon ni Mayor Klarex Uy sa kanunay ug walay puas nga nagsuporta uban sa pag-abag sa kadagkoan sa CDO TVI, TESDA ug sa mga opisyal sa konseho sa Barangay Agusan sa mga programa nga naglantaw alang sa kaarangan sa kinabuhi sa katawhan sa dakbayan sa Cagayan de Oro.

Dako ang kalipay sa konsehal nga adunay kapin 350 ka mga trainees ang migradwar sa nagkadaiyang kurso dala ang paglaum nga kini ilang magamit alang sa ilang panginabuhian nga magdala kanila ngadto sa dugang kaarangan sa kinabuhi.

Kini naglangkob sa Electrical Installation and Maintenance NC I and II, Shielded Metal Arc and Welding NC I & II, Housekeeping NC I & II, Barangay Health System, Plumbing ug Heavy Equipment Operator (Forklift).

Mitambong usab sa maong kalihokan sila si Konsehal George Goking, Malou Gaane, ug Imee Moreno.


Comentários


bottom of page