top of page

Kon. Judith misugyot ma-survey pamilyang apektado sa road widening


Kusganong gisugyot ni konsehal James Judith atol sa tigom sa komite sa Urban and Rural Poor and Housing Development ni konsehal Edagar Cabanlas nga ma-survey aron matabangan ang mga apektadong pamilya nga maigo sa road widening project sa Department of Public Works and Highways (DPWH) diha sa Zone-2 crossing Lumbia.

Matud ni Judith nga kadto lang nakasulod sa 15 metros nga mga panimalay nga ma-igo sa road right-of-way nga maoy guba-on sa pagsugod sa maong proyekto sa Department of Public Works and Highways ang tagaan sa prayoridad nga matabangan sa housing program sa goberno tungod kay limitado paman sa pagka karon ang mga bakante nga housing unit sa syudad.

Mahinumduman nga gihangyo sa mga molopyo sa crossing Lumbia nga mahatagan sila sa ilang kabalhinan nga matawag na nilang permanenteng pinuy-anan pinaagi sa programa sa goberno.

Nunot niini gihangyo ug gisugyot ni Konsehal Judith ang opisina sa City Housing and Urban Development Office ni Atty. Samuel Rollo nga mopahigayon og socio economic survey sa dapit aron makuha ang kumpletong datus sa mga apektadong pamilya.

Comentarios


bottom of page