Komite sa urban poor magtigom

MAGTIGOM karong alas 2:00 ang takna sa kahaponon ang komite sa urban poor ubos ni Konsehal Al Legaspi, Sr. aron sa pagtuki sa hangyo sa Camp Evangelista Movants Homeowners Association nga i-reclassify ang ilang gisugyot nga relokasyon diha sa Barangay Baikingon.

Hisgotan usab sa komite ang hangyo sa Principal sa Dansolihon National High School sa paghawan sa mga informal settlers atubangan sa ilang eskwelahan.

Niini, gidapit sa komite sa pagtambong sa maong tigom  aron madungog ang ilang mga hunahuna ug opinion sila si City Administrator Atty. Hilario Raagas, City Legal Officer Atty. Kenneth Tamala, CLENRO OIC Elvisa Mabelin, City Budget Officer, Atty. Percy Salazar, Acting CHUDD Manager John Asuncion, City Building Official Engr. Rosanna Rodriguez, City Engineer Joel Momongan, Carmen Punong Barangay Kikang Uy, ug Dansolihon Punong Barangay Jose Maria Juan Roa.

Gipaabot usab nga motambong sa tigom sila si Konsehal Antuy Pascual, Roger Abaday, , Paolo Nicolo Gaane, Imee Moreno, Edgar Cabanlas, Aga Suan, ug Bise Mayor Bebot Rodriguez. (RNQ/SP)