Komite sa Social Services magtigom karong hapon

Magtigom karong alas 2 sa hapon diha sa hawanan sa konseho ang komite sa Social Services nga dumalahon ni konsehal Girlie Balaba.

Tipik sa hisgutan mao ang taho sa konsehal nga naghangyo sa CSWD nga hingusgan ang kampanya sa pagrehistro sa tanang PWD sa dakbayan diha sa ilang buhatan.

Lakip sa tukion mao ang taho ni konsehal Imee Moreno kabahin sa pag-revisit sa programa sa Violence Against Women labina sa pagmugna sa VAWC Desk Officer sa matag-barangay.

Hisgutan usab sa maong tigom ang sugyot balaodnon nga giduso ni konsehal Bernie Esparcia nga nagmando sa tanang barangay nga i-categorize ang listahan sa mga kabus nga residente sa ilang dapit.

Gipaabot nga motambong sa maong tigom sila si Konsehal Maria Lourdes Gaane, Ian Mark Nacaya, Edgar Cabanlas, Suzette Magtajas-Daba, Jay Pascual, Imee Moreno, James Judith, Bernie Esparcia ug Bise Mayor Jocelyn Rodriguez, City Administrator Atty. Roy Hilario Raagas, City Legal Officer Atty. Kenneth Tamala, DILG Dir. Jane Docallos, ug uban pang mga dinapit.