Komite sa Public U panguluhan ni Konsehal Salcedo

GILAUMAN nga masinati ang hapsay ug hamugaway  nga dagan sa trapiko sa dakbayan.

Kini human natudlo si Konsehal Enrico Salcedo isip bag-ong chairman sa Komite sa Public Utilities (Roads and Traffic Management) sa konseho  kauban ang iyang vice chairman nga si Konsehal Roger Abaday  ug Konsehal Maximo Rodgriguez III, George Christopher Goking ug Moreno Daba IV, isip mga sakop sa  maong komite.

Maoy tahas komite ang pagtu-on, pag-imbestigar ug pagtaho sa mga butang ug lakang nga may kalabutan sa  sugyot ordinansa ug resolusyon  mahitungod  pagdumala sa mga public utilities nga naglambigit  korente ug tubig, water generation, distribution ug supply sa  kuryente ingon man pagmintinar sa mga suga sa kadalanan, sa kadagatan ingon man sa transportation sa kahanginan.

Lakip usab niini ang tanang public utilities nga konektado  sa transport system, road safety, traffic management, seaports, airports, postal, telegraph, radio, telebisyon, telepono ug uban pang serbisyo sa komumikasyon.

Paningkamotan ni Konsehal Salcedo nga ubos sa iyang pagdumala sa komite  mahatagan sa kaarangan ang kinabuhi  sa katawhan sa dakbayan. (JRGalano/SP/Photo grabbed from Councilor Salcedo's FB page)