Kom sa arbitration pangulohan ni Konsehal Legaspi

HINGUSGAN ni Konsehal Al Legaspi ang patas ug walay pagpihig nga paghusay sa mga lalis bahin sa doluna sa mga barangay.

Kini human gisagop sa konseho sa miaging sesyon nga gidumala ni Bise Mayor Bebot Rodriguez ang resolosyon nga nagpili sa konsehal isip bag-ong chairman sa komite sa arbitrasyon kansang tahas mao ang pagtuki sa reklamo bahin sa panaglalis sa utlanan sa mga barangay sa Siyudad ingon man sa tanan nga mga butang nga naglambigit sa utlanan sa syudad ug sa kasikbit nga munisipyo ug lalawigan.

Ang maong komite gilangkoban nila ni Konsehal Desiree Ann Dahino isip vice chairman ug Konsehal Enrico Salcedo, Aga Suan ug Paolo Nicolo Gaane, isip mga miyembro niini. (RNQ/SP)