Kinahanglan adunay political will ang mga kapitanes- VM Rodriguez

SA barangay, dapat  diha gyod magsugod sa barangay ug kinahanglan nga adunay political will ang mga kapitan.

Kini ang gibutyag  ni  Bise Mayor Bebot Rodriguez sa sesyon kagahapon samtang ilang gituki ang special report ni Konsehal Imee Moreno mahitungod sa problema sa pagkolekta sa basura sa dakbayan.

Sumala sa Bise Mayor kinahanglan nga aduna gayod political will ang mga kapitan sa barangay diha sa segregation ingon man sa koleksyon sa ilang mga basura aron pagsiguro nga limpyo ang ilang tagsa tagsa ka barangay.

Samtang giduso ni Bise Mayor Rodriguez ang maong special report sa mga hintungdang komitiba, siya nanghinaot nga mahatagan kini sa hingpit nga solusyon alang sa kaayuhan sa tibook dakbayan. (JRGalano/SP)