top of page

Kampanya sa kahusay, kalinaw, panglawas mapalapdan

MOBALOR og P164 milyones kapin nga mga proyekto alang sa pagpalapad sa kampanya sa kahusay, kalinaw, ug panglawas dinhi sa dakbayan sa Cagayan de Oro ang mapatuman sa dili madugay.


Kini human giuyonan sa Konseho sa Syudad sa sesyon niadtong Lunes nga gidumala ni Bise Mayor Bebot Rodriguez ang 2023 Supplemental Annual Investment Program (SAIP) No. 4.

Lakip sa maong mga proyekto ang medical services assistance and rehabilitation program nga mobalor og P97.5 milyones, pagpalapad sa mobile capability alang sa peace and order development program balor P42.42 milyones, paghitsas sa mga gikinahanglang ekipo sa City Disaster Risk Reduction and Management Department balor P7.31 milyones, ug pagpatuman sa mga programa sa JR Borja General Hospital balor P17.29 milyones.


Ang lakang nunot sa tinguha sa administrasyon nga matunol ang malahutayong serbisyo ngadto sa katawhan sa dakbayan.

Comments


bottom of page