Kampanya batok sa gidiling droga gihingusgan sa Brgy 14

GILANTAW sa Konseho sa Barangay 14 nga mapanalipdan ang katawhan gikan sa makadaot nga epekto sa gidiling druga.

Kini human mipalabang ang maong barangay og usa ka ordinansa alang sa pagpalig-on sa Barangay Anti-Drug Abuse Council (BADAC).

Giila sa barangay nga ang pinakadali nga paagi pagsulbad sa mga isyu sa droga mao ang pagpahigayon sa preventive education, pakiglambigit sa komunidad, paghatag suporta sa rehabilitasyon, ug kolaborasyon sa pagpatuman sa balaod.

Ang maong ordinansa giduso ni Bise Mayor Bebot Rodriguez ngadto sa komite sa barangay affairs ni Konsehal Marlo Tabac alang sa dugang pagtuon ug rekomendasyon. (RNQ/SP)