top of page

Kakulangon sa pampublikong sakyanan dihas Upper Carmen masolusyonan

GITINGUHA sa Komite sa Public Utilities ni Konsehal Romeo Calizo nga masolusyonan ang problema sa kakulangon sa pampublikong sakyanan diha sa Zone 10, Upper Carmen.


Councilor Romeo V. Calizo Chairperson of  Committee on Public Utilities (Roads & Traffic Management)

Kini human nagtigom sa milabayng semana ang komite ug gituki ang hangyo sa usa sa mga molopyo sa dapit kalabot sa maong problema sa transportasyon.


Sa tigom, si Engr. Nonito Oclarit, Office Manager sa Roads and Traffic Administration (RTA), mibutyag nga adunay naaprobahang ruta ang dapit. Gani, ang LTFRB naghatag og prankisa sa lima ka units aron magsilbi sa mga sumasakay apan wala kini makalahutay ug sa kasamtangan wala na gayuy nagbyahian.


Engr. Nonito Oclarit, Office Manager of Roads and Traffic Administration (RTA)

Matod niya nga adunay pundok nga interesadong mag-operate sa dapit apan nasayran nga aduna kini’y daang ruta ug dili basta-basta masudlan.


Committee on Public Utilities (Roads & Traffic Management) Meeting

Sa tinguha nga masolusyonan ang problema, si Calizo misugyot sa pagpahigayon og dayalogo tali sa mga hintungdang ahensya sa gobyerno ingon man pagdapit sa mga residente kinsa mao gayud ang aktwal nga nasayud sa  tukmang kahimtang sa dapit. (JRGalano/SP)

Comments


bottom of page