Kabugohanon Festival Jingle giaprobahan sa Konseho

GILANTAW nga mapalambo pa sa Brgy. Bugo ang ilang industriya sa turismo.  

Kini human ang Konseho sa Syudad atol sa sesyon niadtong Lunes nga gidumala ni Bise Mayor Bebot Rodriguez misagop sa resolusyon nga nagdeklarar nga mahimo nang ipatuman ang ilang ordinansa nga nag-institutionalize sa ilang opisyal nga Kabugohanon Festival Jingle.

Pinaagi sa maong ordinansa, ang naasoy nga jingle maoy kantahon atol sa mga kalihokan sa pista ug kasaulogan sa Kabugohan Festival diin mapasundayag ang kasaysayan, kostumbre, panginabuhi, ug mga talento sa katawhan sa Bugo.

Ang maong lakang miagi sa makuting pagtuon sa mga hintungdang buhatan sa City Hall. 

Ang resolusyon nga gipalabang sa konseho alang sa maong katuyoan gipaluyohan sa komite sa barangay affairs ni Konsehal Marlo Tabac ug sa komite sa pamalaod ug reglamento ni Konsehal Edgar Cabanlas. (RNQ/SP)