Kabag-ohan sa traffic code tun-an sa Komite sa Public Utilities

NAGPADAYON ang komite sa public utilities sa konseho  sa pagpanday sa pipila ka kabag-ohan sa kasamtangang traffic code sa dakbayan  sa Cagayan de Oro.

Atol sa programa sa kahangingan  nga “Ang Konseho Karon”, si  Konsehal Eric Salcedo, chairman sa komite, namahayag nga angayan bag-ohon ang pipila ka probisyon sa Traffic Code tungod kay namugna kini adto pang tuig 2007.

Lakip sa gitinguha nga ma-regulate ang paggamit sa open pipe muffler tungod kay wala pay otoridad ang Roads and Traffic Administration (RTA) nga mo-impound sa mga sakyanan, ang pagpahigayon sa drag racing diha sa kadalanan, ug ang nagkadaghan nga colorum  nga sakyanan.

Gawas niini, gibutyag usab ni Konsehal Salcedo nga daghan pa ang angayan nga amendahan lakip na niini ang multa sa mga kalapasan sa mga regulasyon sa trapiko tungod kay daghan ang gabalik balik sa paglapas tungod kay gamay ra ang gisitar nga multa. (JRG/SP)