Judith nagtinguha masolbad problema sa Purok 4-B Gusa

GITINGUHA ni Konsehal James Judith, Chairman sa komite sa Arbitration, nga masulbad na ang dugay nang problema sa mga molopyo Sr. Santo Nino Farmers Association diha sa Purok 4-B Barangay Gusa ning syudad nga maproseso ang gikinahanglang dokumento aron matitulohan ang lote nga ilang gi-okupahan.

Sa milabayng  tigom sa komite sa Urban and Rural Poor and Housing Development ubos ni Konsehal Edgar Cabanlas gipasalig ni Judith nga boluntaryo siyang motabang aron masolusyonan ang maong hangyo sa mga mag-uuma.

Gani gipaningkamotan usab ni Konsehal Judith nga mahiusa ang nagkabanging kapunungan aron masayon ang gitinguhang pagpa-titulo sa lote sa maong dapit.

Nagtuo si Konsehal Judith nga sa hinay-hinay niyang pagpasabot sa mga opisyales ug  miembro sa nasangpit nga kapunongan, dako kaayo ang posibilidad nga mapadali ang pagproseso ug makab-ot sa molopyo ang ilang gipangandoy nga matitulohan ang lote nga ilang giokupahan.