top of page

JICA gihangyo pagmugna’g FS sa Oro drainage system



Padayong naninguha ang konseho sa syudad ubos ni Bise Mayor Bebot Rodriguez nga mapangitaan og pamaagi nga masolosyonan ang problema sa pagbaha dinhi sa dakbayan.


Sa sesyon niadtong Lunes, ang konseho misagop og resolosyon nga naghangyo sa Japan International Cooperation Agency (JICA) pagpahigayon, pinaagi sa usa ka grant, og komprehensibong feasility study sa Cagayan de Oro drainage system lakip na ang aspeto sa pagtukod, teknikal ug gikinahanglang galastohon aron mapatuman ang hingpit nga solosyon sa problema sa pagbaha sa bisan asang bahin sa syudad.


Si Konsehal Edgar Cabanlas, kinsa maoy nangamahan sa gipalabang nga resolosyon, mipasabot nga ang JICA mismo ang mitanyag nga motabang sa kagamhanan sa dakbayan pagpangita sa paagi aron matubag ang prob-lema sa pagbaha.


Matod niya nga dako kining tabang sa katawhan sa syudad kun mahimo ang pagtuon ug mapatuman ang gikinahanglang mga programa ug proyekto aron dili na matagamtaman ang mga pagbaha.

Comments


bottom of page