ISMODA gi-akredit sa konseho

PABORABLENG gi-akredit sa konseho sa syudad sa sesyon niadtong Lunes nga gidumala ni Bise Mayor Kikang Uy isip membro sa Local Special Bodies sa syudad ang Indahag Single Motors Operators and Drivers Association (ISMODA) diha sa barangay Indahag ning syudad.

Gisuportahan sa konseho ang maong lakang subay sa DILG Memorandum Circular No. 2019-72 ug Article XIII sa lagda ug reglamento sa 1991 Local Government Code ug human nasuta nga nakaduso sa mga gikinahanglang rekisitos alang sa maong katuyoan.

Isip sakop sa LSB ang kapunongan mahimong makapangayo og pundo sa kagamhanan ug ubang ahensya sa gobyerno aron magamit pagpatuman sa ilang mga programa ug proyekto nga gilantawng maghatag kalamboan sa ilang mga membro.

Niini, ang konseho misagop og resolusyon alang sa maong katuyoan nga gipaluyohan sa komite sa Roads and Traffic Management ni Konsehal Romeo Calizo ug komite sa pamalaod ug reglamento ubos ni Konsehal Ian Mark Nacaya.