Ipakita ang respeto, sportsmanship - Konsehal Sacala

MAGSADYA, magrespetohay, ug magdula nga adunay integridad!

Kini ang mensahe ni Konsehal Kenneth John Sacala, City SK Federation President ug chairman sa komite sa youth and sports and development sa Konseho, atol  sa pag-abli sa Inter-Agency Sports Festival 2025 alayon sa ika-125 nga pagsaulog sa Philippine Civil Service.

Sumala sa konsehal nga labaw sa  pagka-player, kinahanglan nga ipakita gayud ang panaghiusa, disiplina ug pagsalig  isip mga   kawani sa gobyerno aron makab-ot ang kalampusan sa maong kalihokan.

Gipaambit usab ni Sacala ngadto sa mga magdudula nga gihimo niyang inspirasyon sa iyang pagpangalagad ang pagpatigbabaw sa mithi sa patas nga pagserbisyo.

Niini, siya nanghinaot  nga mahimong magmasadya ang kalihokan ug ipakita kanunay ang respeto ug sportsmanship sa tanan. (JRG/SP)