top of page

Integrated school matukod dihas Lumbia

GILANTAW nga matukod ang bag-ong gambalay alang sa Integrated School diha sa barangay Lumbia.

Kini human giaprobahan sa Local School Board sa miaging tigom nga gidumala ni Mayor Oscar Moreno ang balor P8.5 milyones nga duha ka andanang edipisyo nga adunay unom ka lawak saringan alang sa Palalan Integrated School sa Lumbia.

Ang pundo alang sa pagpatuman sa proyekto kuhaon gikan sa Special Education Fund- Annual Budget Calendar Year 2022 -Secondary Education Capital Outlay.

Niini, mipasalamat si Konsehal Suzette Magtajas-Daba, chairman sa komite sa edukasyon, sa administrasyon ni Mayor Moreno nga taliwala sa nasinating pandemya padayon ang paglantaw sa

tanang kabataan aron maangkon ang de kalidad nga edukasyon.

Ang pagtukod og mga lawak saringan dinha sa kabaranggayan gitumong aron mapaabot sa kabataan ang kahigayonan sa libreng edukasyon, dugtong sa konsehal.

Akong gilauman nga modaghan ang mo-enroll sa umaabot nga tuig tig-tungha kay dako kini nga pribilihiyo sa kabataan ang de kalidad nga edukasyon pinaagi sa pagbaton sa komportableng tunghaan nga hitsas sa facilidad, pamahayag ni Konsehal Suzette Magtajas-Daba.


bottom of page