Ilegal structures diha sa NHA Kauswagan tukion sa public utilities

HISGOTAN sa tigom sa komite sa Public Utilities ni konsehal Eric Salcedo karong adlawng Martes, Febrero 3, ning tuig diha sa hawanan sa konseho ang problema mahitungod sa mga illegal structure diha sa Phase 1 NHA Barangay Kauswagan nga nakadugang sa kapiot sa dagan sa trapiko sa maong dapit.

Kini human nagpadangat sa ilang sulat ang mga molopyo sa dapit ngadto sa komite ug naghangyo nga masusi kini sa mga kawani sa Roads and Traffic Adminstration tungod kay giingong giukopahan sa mga pribadong individual ang mga public parking spaces ubos sa NHA site development plan.

Nunot niini, gidapit sa komite nga motambong sa tigom sila si Engr. Nonito Oclarit, department manager sa Roads and Traffic Administration, P/Col. Dexter Paje, acting City Police Director ug Dir. Nelson Manaloto, Regional Director sa Land Transportation Office aron sa pagpaambit sa ilang panahom ug opinion. (MLR/SP)