Hugot nga pagpatuman sa curfew sa mga minor de edad hisgutan

HISGUTAN sa umaabot tigom sa komite sa public order and safety ni Konsehal Roger Abaday ang hugot nga pagpatuman sa curfew alang sa mga minor de edad subay sa balaod sa syudad.

Kini human namatikdan base sa datus sa kapolisan nga ang mga krimen nga gakahitabo sa dakbayan adunay pipila ka minor edad ang nalambigit ingon man ang paglambigit sa pagpayuhot sa gidiling droga.

Tumong sa komite nga mapatuman ang maong balaod aron ma-protektahan ang kabatan-onan ug malikay sa maong matang sa bisyo.

Gidapit nga motambong sa tigom aron sa pagpa-ambit sa ilang panahom ug opinion sila Atty. Roy Hilario Raagas, City Administrator, Atty. Kenneth Tamala, City Legal Officer, P/Col. Gerardo Ulanday, Acting City Police Director, Hon. Marlo Tabac ABC President, Hon. Kenneth Jhon Sacala, City SK Federation President.

Gilaumon usab nga mutambong sila si Ms. Anecia Tongson, City Social Welfare and Development Officer, Mr. Lord Saver Centina, City Youth Development Officer ug Atty. Jose Edgardo Uy, Chairperson sa Regulatory Compliance Board. (MLR/SP)