Hiniusang tigom sa Komite sa Public Utilities, Cooperative ipahigayon karong adlawa

MOPAHIGAYON sa hiniusang tigom karong adlawa diha sa hawanan sa konseho ang Komite sa  Public Utilities  ug Komite sa Kooperatiba nga dumalahon nila ni Konsehal Romeo Calizo ug  Kenneth  Sacala.

Hisgutan atol sa tigom ang  special report ni Konsehal Calizo sa miaging sesyon  nga gidumala ni Bise Mayor Bebot Rodriguez mahitungod sa mulo ug problema  sa mga transport cooperatives.

Kini  gilangkoban sa implementasyon sa Local Public Transport Route (LPTR) Plan, suhulan sa mga membro, mga giimposar nga obligasyon  ug uban pa.

Gidapit sa tigom aron paghatag sa ilang opinyon sila si Wenifredo Yancha, Chairman sa GOFETCO, Isagani Legazpi sa SAPACODA sa Canitoan, Engr. Nonito Oclarit sa Roads and Traffic Administration (RTA), Dir Abo Samen Matuan sa Land Transportation Franchising  and Regulatory Board (LTFRB) ug uban pa.