Hearing sa 3 ka kaso sa Blue Ribbon karong hapon

GITAKDA karong alas 2 sa hapon dinha sa hawanan sa konseho ang pagdungog sa tulo ka kasong gisang-at dinha sa komite sa ethics and blue ribbon ni Konsehal Edgar Cabanlas.

Kini naglakip sa reklamo ni Kagawad Elmer Cotiamco batok ni Kagawad Mario Diaz parehong opisyal sa barangay Cugman alang sa mga kalapasan sa probisyon sa RA 3019, RA 7160, grave abuse of authority, grave misconduct, serious dishonesty ug conduct prejudicial to the best interest of the service.

Dugang dunggon sa komite mao ang reklamo ni Elmer Octobre batok ni Kapitan Albert Adecer sa Barangay 26 ug reklamo ni Siegfred Padua batok ni Kapitan Josephine Bagongon ug uban pang mga opisyal sa barangay Mambuaya alang sa kalapasan sa probisyon sa RA 7160 kon Local Government Code.

Ang ipahigayong hearing sa komite gipaabot tambongan nila ni konsehal Jose Pepe Abbu Jr., Girlie Balaba, Romeo Calizo, Roger Abaday isip mga regular nga sakop sa komite ug nila ni Konsehal Ian Mark Nacaya, James Judith II ug Bise Mayor Bebot Rodriguez isip mga ex-officio members.