Hangyo sa Tricab operators nga makapamasahero hisgotan

HATAGAN og pagtagad sa umaabot tigom sa komite sa Public Utilities ni Konsehal Eric Salcedo ang hangyo nga gipadangat sa Bugo, Puerto, Tablon, Cugman tricab operators and Drivers Association (BPATC-TODA) nga mahatagan sila og prankisa aron makapamasahero sa rutang Bugo-Puerto ug Vice-Versa.

Kini human ang konseho sa Barangay Bugo ubos ni Kapitan Spencer Cailing hiniusang miduso sa resolusyon alang sa maong katuyoan.

Gikabutyag nga ang mga residente sa maong barangay maglisod og sakay paingon sa Puerto Public Market tungod sa ka minus sa mga pangpamasaherong sakyanan nga molabay sa maong dapit.

Niini gidapit nga motambong sa ipahigayong tigom ang mga representante sa Roads and Traffic Administration (RTA), Land Transportation Franchising and Regulatory Board (LTFRB), City Administrator, City Legal Office, Hon. Spencer Cailing sa Barangay Bugo, Hon. Lolita Wahing sa Barangay Puerto, Hon. Andrew Meliza sa Barangay Agusan ug Mr. Armando Villaflor, Bugo Tricab President. (MLR/SP)