Hangyo sa Lumbia Arena tukion sa komite games

KONSIDERAHON sa komite sa games and amusement ni Konsehal Roger Abaday ang sulat hangyo ni Rodrigo Go, presidente sa Lumbia Octagon Sports Arena diha sa Sitio San Isidro, Barangay Lumbia.

Mahinumduman nga ang tigdumala sa maong sabongan subling mihangyo nga manumbalik na ang traditional face to face sabong subay sa bag-ong gipagawas nga memorandum sa Department of the Interior and Local Government (DILG) ni-adtong Enero 19 ning tuig.

Gipasabot ni Go nga andam nila ipresentar ang sistema ug gabayan sa maong matang sa operasyon kabahin sa Health Protocols nga gipatuman sa goberno.

Nunot niini, gipaabot nga dapiton sa komite aron magpaambit sa ilang panahom ug opinyon ang mga hingtungdan personahe kalabot sa nasangpit nga operasyon.