Hangyo sa Indahag Square Garden gipatun-an sa CLO

Giduso sa komite sa games and amusement ni Konsehal Roger Abaday ngadto sa City Legal Office ang sulat hangyo ni Eutropio Vios, tigdumala sa Indahag Square Garden, nga mahatagan sa special permit ang gilarawng 4 wins Pang-Masa Advance Christmas celebration sa umaabot December 21-23, 2022.

Sa tigom sa komite sa milabayng semana, si Abaday mibutyag nga gusto niyang masiguro nga mahan-ay ug mahisubay sa lagda sa goberno ang tanang mga aplikasyon sa derby permits aron dili kini ma-abusohan sa uban.

Niini, si Abaday makanunayong nagpahinumdom sa mga tigdumala sa mga sabongan nga dili hikalimtan ang pagpatuman sa mga gabayan nga gisitar sa Inter Agency Task Force (IATF) ug sa lokal nga kagamhanan sa syudad kalabot sa minimum health protocols diha sa ilang operasyon.