Hangyo sa CEMHA nga 20% equity sa luna tun-an ni Legaspi

GIPAABOT nga konsiderahon sa komite sa urban ug rural poor ubos ni Konsehal Al Legaspi Sr. ang sulat sa Camp Evangelista Movants Homeowners Association (CEMHA).

Ang maong kapunongan naghangyo sa kagamhanan sa dakbayan nga abagahon ang pagbayad sa 20% nga equity sa luna diha sa Barangay Baikingon nga ilang giplanohan nga makuha isip ilang relokasyon human sila naapektohan sa demolisyon diha sulod sa Camp Evangelista, ning syudad.

Buot lamang sa mga miyembro nga maplastar na ang ilang pagpamuyo.   

Niini, malaumon si Konsehal Legaspi nga makatambong sa umaabot nga tigom ang tanang sakop sa komite nga sila si Konsehal Antuy Pascual, Roger Abaday, Nicolo Gaane, Imee Moreno, Edgar Cabanlas, Aga Suan, ug Bise Mayor Bebot Rodriguez aron makuha ang ilang mga opinyon alang sa tukmang aksyon. (RNQ/SP)