Goking nanawagan sa katawhan sa paghiusa, pagsunod sa health protocols


SI KONSEHAL George Goking, nagdomala sa kometi sa Trade & Commerce og Ways & Meanssa konseho naghangyo sa mga negosyante og sa tanang katawhan sa pagtinabangay og

pagsinabtanay ilabina ngadto sa mga establisamnto nga padayon nga mipahigayon sa ilang mga negosyo.

Gipasabot ni konsehal Goking nga padayon ang pagsaka sa mga nagpositibo sa Covid dinhi sa syudad diin og gipahimotang kini ubos sa MECQ.

Gikinahanglan ang kooperasyon og pagsabot sa tanang katawhan sa sitwasyon og pagsunod sa mga gabayan aron mapugngan ang dugang pagkaylap niini.

Dako ang iyang kabalaka nga kon ang katawhan magdumili sa ilang kooperasyon magpadayon kini sa pagsaka og moabot pa kini

sa ECQ.

Dugang gihangyo ni konsehal Goking sa pagbaton sa pagdaginot sa mga resources ilabina sa pagkaon tungod kay dili malikayan ang pagsira sa ubang mga negosyo gumikan sa nasinating pagkaalkanse niini.

Gani usa sa gikabalak-an sa konsehal nga ang dakbayan mahisama sa dakbayan sa Cebu nga gipaubos sa ECQ og dogang kalisod ang mahitabo dili lamang sa kahimtang sa panglawas kon

dili ang pagkaon.

Sa makausa siya mipahinumdoman nga sa panaghiusa og pagsunod sa mga health protocols uban sa mga pag-ampo nga kining nasinating kalisdanan mahatagan kini sa kasulbaran.