Recent Posts

Archive

Tags

No tags yet.

Goking nahingawa sa padayong pagsaka sa presyo sa produktong petrolyo

DAKO ang kahingawa ni Konsehal George S. Goking, chairman sa komite sa trade and commerce, sa kahimtang sa ekonomiya sa dakbayan.

Kini human gipatuman ang sunod sunod nga omento sa presyo sa produktong petrolyo sa tibouk nasud.

Gipasabot sa konsehal nga ang dako nga hinungdan sa pagsaka sa presyo sa lana mao ang pag-ulbo sa kasamok sa mga nasud sa Russia ug Ukraine nga nakaapekto sa suplay sa maong produkto sa lana.

Sa mao nga kahimtang maglisod pagbangon ang ekonomiya kay ang pagsaka sa presyo sa lana magdala usab og pagsaka sa presyo sa uban pang mga batakang palaliton.

Si konsehal Goking mipasabot nga ang iyang kometiba magpadayon sa paglantaw ug maningkamot nga matabangan ang katawhan ilabina ang mga kabus nga nag-antos sa kalisod sa pagpalit sa mga panginahanglanon.

Ako maningkamot pagpangita sa mga solusyon aron matabangan ang katawhan niining kasamtangang sitwasyon sa ekonomiya, pamahayag ni Konsehal George Goking.