Goking misuporta sa hangyo sa XU nga exemption sa amusement tax

GISUPORTAHAN ni Konsehal George Goking, chairman sa komite sa ways and means, ang hangyo sa Xavier University, alang sa exemption sa amusement tax sa ilang mga pasundayag nga naglangkob sa konserto, dramas, recitals, painting, art exhibitions, flower shows ug musical programs nga  gitakda karong June 12-14 ning tuig diha sa XU Little Theater.

Gipasabot ni Goking nga subay sa Section 140 sa RA 7160 kon Local Government Code, mahimong mahatagan sa exemption pagbayad sa amusement tax ang maong mga programa.

Subayn niini, hiniusang giuyonan sa komite ang hangyo sa Xavier University human kini nakaduso sa tanang gikinahanglang rekisitos. (MLRapanot/SP)