top of page

Goking misugyot matun-an mga lakang mapanumbalik ekonomiya sa nasud

GIKINAHANGLAN ang makuting pagtuon sa kahimtang sa ekonomiya niining padayon ang panagbangi sa Russia ug Ukraine.

Mao kini ang pamahayag ni Konsehal George S. Goking, chairman sa komite sa Trade and Commerce, taliwala sa gilantawng dakong pagkunhod sa presyo sa mga produktong petrolyo sugod ugmang adlawa.

Ang nasinating omento sa presyo sa mga produktong petrolyo sa milabayng semana nagdala sa pagsaka sa presyo sa mga palaliton.

Gilantaw sa konsehal nga bisan pa og adunay ipatuman nga omento sa sweldohan apan magpabiling mahal ang matag litro sa produktong petrolyo wala kiniy mahimong epekto

kun dili makadugang sa problema sa mga negosyante ug mga nanag-iya og pribadong establisamento.

Niining naninguha kita nga makabangon gikan sa nasinating pandemya, angayan nga tun-an pag-ayo ang mga lakang aron makab-ot ang solosyon nga dili mabug-atan ang mga employer ug mga mamumuo, pamahayag ni Goking.


bottom of page