Goking mapasalamaton sa fuel subsidy sa PUV drivers, farmers

MAPASALAMATON si Konsehal George S. Goking sa desisyon ni Presidente Rodrigo Duterte nga dili isuspende ang pagpahamtang sa excise tax sa mga produktong petrolyo ug pagtunol sa fuel subsidy ngadto sa mga drayber ug mag-uuma.

Gipasabot ni Goking nga bisan gamay lang ang P6,500 nga fuel subsidy gihatagan kini og daling pagtagad sa presidente og dako na nga tabang sa nanginahanglang katawhan.

Siya midugang nga sa higayon nga kun dili ipahamtang ang excise tax daghang serbisyo sa kagamhanan ang maparalisado ug mawala ilabina ang serbisyo sa natad sa panglawas nga maoy labing importante karong panahona.