Girlie mipahalipay sa mga midaug, misalmot sa street dancing contest

Hugot nga gipahalipayan ni Konsehal Girlie Balaba, co-chair sa Street Dancing Competition, ang mga nakadaug sa gipahigayong indigay niadtong Agosto 26, 2023 dinha sa Misamis Oriental Integrated Sports Complex.

Nahimong grand champion ang grupo gikan sa Barangay Gusa nga mao usab ang nakakuha sa Best in Street Dancing, Best Choreography ug Best in Musicality. Ilang nadawat ang P300 mil nga premyo.

Nisunod sa Barangay Gusa ang grupo gikan sa Barangay Carmen isip 1st Runner up ug nakadawat og P200 mil samtang ang Barangay Puerto nga napiling 2nd Runner Up nakadawat sa P100 mil.

Dako ang pasalamat ni Girlie sa walay puas nga pagsuporta sa kabaranggayan dinha sa mga kalihokan nga gipahigayon pahaum sa kasaulogan sa tinuig nga pangilin sa dakbayan.

Mapasalamaton usab ang konsehal sa tanang Kagay-anon ug mga dumuduong sa pagbulig ug pagsuporta aron magmabulukon ug magmalampuson ang kasaulogan.