Gireklamong crematorium sa Divine Shepherd hisgutan sa komite ni Salcedo

ANG komite sa environment and natural resources sa konseho ubos ni Konsehal Eric Salcedo gitaktadang mopahigayon og tigom ugma alas 2:00 sa hapon , Nobyembre 5 ning tuig.

Kini aron tukion sa komite ang pipila ka mulo ug reklamo nga nadawat gikan sa lain laing hut-ong katilingban ug usa niini ang gidusong report sa konseho sa barangay Bulua.

Matod sa barangay nga pakyas ang Divine Shephered Memorial Park pagtuman mga kasabutan atol sa una niining diologo.

Mahinumduman nga una nang gireklamo sa mga residente ang operasyon sa ilang crematorium tungod gibuga niijing aso nga nakadisturbo sa mga residente.

Gipaabot nga motambong sa tigom aron mopaambit sa ilang opinion ug suhestyon sila si Konsehal George Goking, Romeo Calizo, Teodulfo Lao Jr., Ian Mark Nacaya, Lordan Suan, Yan Lam Lim ug Bise Mayor Kikang Uy.