top of page

Foreshore lease application sa Gama Foods kasamtangang gihikling


Gihikling sa komite sa environment ni Konsehal Roger Abaday ang aplikasyon sa Gama Foods Corporation alang sa Foreshore Lease Agreement diha sa Barangay Tablon.


Kini human si Konsehal Edgar Cabanlas, co-chair sa Cagayan de Oro Reclamation Authority, atol sa milabayng tigom sa komite, mipahibalo nga si Mayor Rolando Uy adunay gidusong sulat ngadto sa konseho nga naghangyo pagkanselar sa tanang Foreshore Lease Agreements dinhi sa syudad.


Matod ni Cabanlas nga prioridad sa kagamhanan sa dakbayan ang reclamation ug basin aduna kini negatibong epekto sa plano ug programa sa syudad ang mga susamang aplikasyon.


Niini, si Abaday mipasabot ngadto sa representante sa Gama Foods nga dili supak ang konseho sa mga kalamboan tungod kay gani nagdasig kini og mga imbestor apan gusto lang siguruhon sa komite nga dili makompromiso ang mga lakang ilabina kun makapasaka na sa resolosyon nga nag-uyon sa aplikasyon.


Ang aplikasyon sa Gama Foods giduso ni Abaday ngadto sa buhatan sa mayor alang rekomendasyon ug tukmang aksyon.

Yorumlar


bottom of page