Fire prevention month gisaulog sa CdeO


KINAHANGLANG magmabinantayon kita kanunay aron malikayan ang sunog.

Mao kini ang panawagan ni konsehal Romeo Calizo, chairman sa komite sa public order and safety, atol sa flag raising ceremony sa City Hall kagahapon human gisubhan ang pagsaulog sa Fire Prevention Month dinhi sa dakbayan nunot sa kasaulogan sa tibouk nasud nga nagdala sa temang “Sa pag-iwas sa sunog, hindi ka nag-iisa!”


Ang Fire Prevention Month gimugna pinasubay sa Presidential Proclamation No. 115-A agig paghatag og panahon nga mapalapdan ang kahibalo sa katawhan sa mga hinungdan, peligro ug ubang hazards dala sa kalayo.


Niini, si Calizo miawhag nga unta ang tanan mag-amping gayud aron malikayan ang sunog ilabina ning panahon sa ting-init nga dali lang kaayo mokaylap ang kalayo.