ESWM sa Baikingon giaprobahan sa Konseho

HAYAN mapanalipdan ug hingpit nga maprotekhan ang kinaiyahan diha sa Barangay Baikingon.

Kini human ang konseho sa sesyon nga gidumala ni Bise Mayor Bebot Rodriguez misagop sa resolusyon nga nag-uli sa ilang ordinansa nga gitawag og Ordinance for the Ecological Solid Waste Management of Barangay Baikingon.

Gibutyag sa barangay nga aduna silay kaakohan nga proteksyonan, ipreserbar ug konserbahon ang kinaiyahan sa ilang dapit mao nga responsibilidad nila nga epektibong pagpatuman sa Solid Waste Management System ubos sa Ordinance No. 13378-2018 diha sa ilang barangay.

Sumala sa barangay nga ang pagbahin bahin sa mga basura kon waste segregation pinaagi sa pagrecycle dili lang magkunhod sa gasto  sa koleksyon ug paglabay, apan magkonserba kini sa kinaiyahan ug malikayan ang usik-usik nga konsumo sa mga butang.

Ang resolusyon nga gipalabang sa konseho alang sa maong katuyuan gipaluyuhan sa komite sa barangay affairs ni Konsehal Yan Lam Lim ug komite sa palamalaod ug reglamento ubos ni Konsehal Ed Cabanlas. (JRGalano/SP)