top of page

Esparcia nangusog mapalabang sugyot nga Green Bldg System Law


Hugot nga gisuportahan ni Konsehal Bernie Esparcia ang ordinansa nga nagpatuman sa Green Building System and Regulations nga giduso ni Bise Mayor Jocelyn Rodgriguez.

Sa milabayng tigom sa komite sa Public Works nga gidumala ni Konsehal John Michael Seno, si Esparcia mibutyag nga angayan nga mapadali ang pagpalabang sa balaodnon kay dako kini og ikatabang sa pagproteher sa kinaiyahan ilabina nga nagkainit na ang kalibutan ug naulahi na ang syudad sa ubang dapit sa nasud nga nagpatuman niini.

Nasayran nga ang Green Building usa kini ka praktis sa pagsagop sa mga lakang nga magpromote sa epektibong pagdumala sa resources samtang maminusan ang mga negatibong epekto ngadto sa panglawas ug sa kinaiyahan.

Atong paninguhaon nga mapadali ang pagpalabang niini kay naulahi na kaayo ta sa pagpatuman ilabina nga ang kalibutan nagkainit na ug angayan nga ang atong mga edifisyo nga pagatukuron green buildings na, panapos ni Esparcia.

コメント


bottom of page