top of page

Esparcia misuporta sa panawagan paggamit sa central school bldg


Dismayado si Konsehal Bernie Esparcia nga hangtod sa kasamtangan wala pa magamit ug mapusli sa mga magtutungha sa City Central School (CCS) ang 52 ka lawak saringan nga una nang nasunog sa milabayng mga tuig.


Kini ang reaksyon sa Konsehal sa special report ni Konsehal Roger Abaday, atol sa sesyon sa konseho niadtong Lunes nga gidumala ni Bise Mayor Jocelyn Rodriguez, kalabot sa kahimtang sa maong edifisyo.


Si Esparcia nakisayod kun gigahinan og igong pundo alang sa proyekto pag-retrofit sa nasunog nga edifisyo apan aduna siyay kahingawa nga dili pa gihapon luwas kining gamiton. Nagpasabot nga adunay problema sa kontraktor ug angayan nga balikan ang maong kontraktor, pamahayag sa konsehal.


Hinuon, si Abaday mibutyag nga adunay giluwatan nga sertifikasyon ang buhatan sa Building Official (OBO) nga luwas na nga gamiton ang edifisyo apan sa miaging administrasyon wala kini gitugotan nga ipagamit tungod kay giingong dili luwas alang sa mga tinun-an.

Comments


bottom of page