top of page

Esparcia midayeg sa 2022 Rotary Youth City Officials

Hugot nga gidayeg ug gipahalipayan ni Konsehal Bernie Esparcia ang 2022 Rotary Youth City Officials sa ilang malampuson nga pagpahigayon sa usa ka semanang exposure sa pagdumala sa lokal nga kagamhanan.

Ang konsehal, kinsa aktwal nga naglantaw sa gihimong sesyon sa mga batan-on, nalingaw ug nalipay sa ilang gipakitang katakos diha sa pagdumala sa sesyon ug pagtuki sa mga butang nga maghatag og dugang kaarangan sa kabatan-onan.

Gipasabot sa konsehal nga pinaagi sa maong kasinatian ilang nahibaloan ang tinuod nga trabaho sa usa ka bise mayor, konsehal, ug mayor nga nagsentro sa pagserbisyo sa kadaghanan.

Siya nanghinaot nga ang maong kasinatian ug ilang nakat-onan sa konseho magpasamot sa ilang paningkamot nga mahimong usa ka maayong lider sa ilang panahon.


bottom of page