Env’t magtigom karong hapon

MAGTIGOM karong adlawa, Oktubre 22, 2021 ang komite sa environment and natural resources ni Konsehal Enrico Salcedo dinha sa hawanan sa konseho sa syudad.

Tukion sa tigom ang sulat ni Marie Pimentel, presidente sa Frontiera Homeowners Association Incorporated (FHOAI) diha sa Gran Europa Camella Subdivision sa barangay Lumbia, ning syudad.

Kini nangayo og panabang sa komite nga masolosyonan ang problema sa koleksyon sa basura sa ilang subdivision ug uban pang mahinungdanong isyu uban sa developer sa subdivision.

Gipaabot motambong sa tigom aron mopaambit sa ilang opinion ug suhestyon sila si Konsehal George Goking, Romeo Calizo, Teodulfo Lao Jr., Ian Mark Nacaya, Lordan Suan, Yan Lam Lim ug Bise Mayor Kikang Uy.