ELCCAP 2022-2031 giuyonan sa konseho

USA sa gihingusgan sa dakbayan sa Cagayan de Oro mao ang  pagpalig-on ug pagpanalipod sa kinaiyahan.

Kini human hiniusang giuyonan sa konseho sa syudad sa sesyon niadtong Martes nga gidumala ni Bise Mayor Bebot Rodriguez ang resolusyon nga nagsagop ug nag-aprobar sa Enhanced Local Climate Change Action Plan (ELCCAP) alang sa tuig 2022-2031.

Ang ELCCAP gi-update ug gipalambo aron maapil ang pinakabag-o nga climate risk assessment, vulnerability ug exposure analysis, disaster risk reduction strategies, greenhouse gas mitigation options, ug sectoral climate resilience programs nga makaapekto sa agrikultura, pangisda, imprastraktura, natural resources, ekosistema, panglawas ug lokal nga ekonomiya.

Tumong sa maong action plan mao ang pagpakunhod sa mga pagbuga sa greenhouse gas, pagpasiugda sa malungtarong pagdumala sa kahinguhaan, pagpauswag sa pagkaandam sa kalamidad ug pagpanalipod sa natural ug kultural nga mga kahinguhaan sa siyudad.

Ang gi-update nga ELCCAP hingpit nga nahiuyon sa RISE AGENDA sa kagamhanan sa dakbayan, labi na ubos sa Safety, Security and Human Development ug gipalig-on ang mga katuyoan sa Comprehensive Development Plan (CDP) ug Comprehensive Land Use Plan (CLUP).

Ang resolusyon nga gipalabang sa konseho alang sa maong katuyoan gipaluyohan sa komite sa sa komite sa climate change adaptation and mitigation ug disaster risk reduction ni Konsehal Paolo Gaane ug sa komite sa pamalaod ug reglamento ni Konsehal Edgar Cabanlas. (RNQ/SP)