top of page

Edipisyo nga adunay 12 ka lawak saringan sa BNHS natukod na

HINGPIT nang mahatagan sa komportableng tunghaan nga hitsas og facilidad ang kabataan sa Barangay Baikingon, ning syudad.

Kini human nasayran ni Konsehal Suzette Magtajas-Daba, chairman sa komite sa Edukasyon sa konseho, nga hingpit nang natibawas ug nakompleto ang pagtrabaho ang tulo ka andanang edipisyo nga adunay 12 ka lawak saringan sa Baikingon National High School.

Si Konsehal Suzette kusganong midayeg ug mipasalamat sa Department of Education ug ubang hintungdan ahensya sa kanunay nag-abag sa mga proyekto sa kagamhanan ubos sa administrasyon ni Mayor Oscar Moreno pagkab-ot sa kaarangan sa kinabuhi sa katawhan.

Gipasabot sa konsehala nga ang maong edipisyo dako og ikatabang sa kabataan aron makabaton og de kalidad nga edukasyon dili lamang sa Barangay Baikingon lakip na sa ilang mga kasikbit nga dapit tungod kay anaa naman sa ilang tugkaran ang tunghaan.

Malaomon si Konsehal Suzette nga mapahimoslan sa mga magtutudlo ug mga tinun-an ang maong edipisyo labina sa ilang pagpangandam sa pagbalik sa face to face classes.


Comentários


bottom of page