Eco-Solidwaste Mgmt sa Lumbia tun-an sa Brgy Affairs

Gipaabot tun-an sa Komite sa Barangay Affairs ni Konsehal Alam Lim ang gipalabang nga Ecological Solidwaste Management Ordinance sa Barangay Lumbia.

Sa maong ordinansa, gimando ang pagbahin bahin sa mga basura sugod dinha sa mga panimalay, establisamento, institusyon ug ahensya gikan sa malata, dili malata o’ dili na mapuslan ug mapuslan pa samtang dili pa makolekta sa mga basusero.

Niini, ang barangay magpakatap og mga personahe nga tahasan pagkolekta sa mga mapuslan pang basura aron mabalhin ngadto sa Material Recovery Facility (MRF) sa barangay.Ang maong ordinansa nagpahamtang og multa ug silot ngadto sa masapong magpagawas o’ maglabay sa basura sa dili pa panahon sa pagkolekta o’ paglabay sa mga basura dinha sa dalan, kanal, suba ug uban pang publikong lugar.

Alang sa unang kalapasan, gipahamtang ang P300 nga multa, pagpirma og promissory note ug usa ka adlaw nga community service; P500 nga multa o’ tulo ka adlaw nga community service; P700 o’ lima ka adlaw nga community service alang sa ikatulong kalapasan ug P1 ka libo o’ napulo ka adlaw nga community service alang sa sunod pang mga kalapasan.