Earthquake Contingency Plan giuyonan sa konseho

SUPORTADO ni Konsehal Paolo Gaane, chairman sa komite sa climate change adaptation and mitigation and disaster risk reduction ang pagpalig-on sa mga programa alang sa disaster risk reduction and management sa dakbayan.

Kini human ang konseho sa syudad atol sa sesyon niadtong Lunes nga gidumala ni Bise Mayor Bebot Rodriguez hiniusang misagop sa resolusyon nga nag-aprobar sa Contingency Plan on Earthquake sa dakbayan, subay sa Resolution No. 004-2026 sa City Disaster Risk Reduction and Management Council (CDRRMC).

Matod sa konsehal nga importante kaayo kini aron masiguro ang paspas ug plastado nga pagtubag sa dakbayan kon kini makasinati sa linog.Kini nga lakang nagtumong sa hingpit nga kaluwasan sa kinabuhi sa matag Kagay-anon, ingon man ang mga kabtangan ug sa kinaiyahan.

Walay pasidaan ang kalamidad, apan ang saktong pangandam maoy maghatag og dakong higayon sa kaluwasan sa tanan, sumpay ni Gaane.

Ang maong contingency plan gipaluyohan sa komite sa climate change adaptation and mitigation and disaster risk reduction ni Konsehal Paolo Gaane ug sa komite sa pamalaod ug reglamento ubos ni Konsehal Edgar Cabanlas. (RNQ/SP)