Dugang proyekto sa Brgy. 4 mapatuman na
- The Gavel
- 2 days ago
- 1 min read
DUGANG mga programa ug proyekto sa Barangay 4 nga gipundohan karong tuiga ang mapatuman sa dili madugay.
Kini human ang konseho sa syudad atol sa sesyon niadtong Lunes nga gidumala ni Bise Mayor Bebot Rodriguez misagop sa resolusyon nga nag-uli sa ordinansa sa barangay diin nasukip ang ilang supplemental budget nga adunay kinitaan ug galastuhon balor P1,000,000.00.
Lakip sa gipundohan mao ang programa nga makatabang ug makahatag dugang kaarangan sa ilang serbisyo ngadto sa katawhan ingon man ang mga programa sa Senior Citizens ug uban pa.
Ang 2025 supplemental budget sa Barangay 4 miagi sa makuting pagtuon sa mga komite sa konseho ug nasuta nga nahiuyon sa balaod ug mahimo nang ipatuman.
Ang resolusyon nga gipalabang sa konseho alang sa nasangpit nga katuyoan gipaluyohan sa komite sa barangay affairs ni Konsehal Yan Lam Lim ug sa komite sa pamalaod ni Konsehal Edgar Cabanlas. (MLRapanot/SP)
コメント