Dugang programa, proyekto sa Brgy. 18 mapatuman na

MAHIMO nang ipatuman sa Baranagay 10 ang ilang mga programa ug proyekto karong tuiga.

Kini human ang konseho sa syudad sa milabayng sesyon nga gidumala ni Bise Mayor Bebot Rodriguez misagop sa resolusyon nga nag-uli sa ordinansa sa barangay diin nasukip ang ilang 2024 Annual Budget nga adunay gibanabanang kinitaan ug galastuhon balor P4,800,000.

Lakip sa gipundohan mao ang 20-porsyentong (20%) Development Fund balor P582,122.00; samtang P480,000.00 usab ang gigahin alang sa pagpatuman sa programa sa Sangguniang Kabataan; P420,000.00 ang gigahin alang sa pagpalit sa ilang garbage truck nga gamiton sa paghakot sa ilang basura; P105,000.00 alang sa pag-instalar sa solar lighting system; P57,122.00 alang sa pag-trabaho sa ilang pathways ug uban pang mga programa nga gilantawng maghatag kaarangan sa ilang serbisyo ngadto sa katawhan.

Ang 2024 annual budget sa Barangay 18 miagi sa makuting pagtuon sa mga komite sa konseho ug nasuta nga nahiuyon sa balaod og mahimo nang ipatuman.

Ang resolusyon nga gipalabang sa konseho alang sa maong katuyoan gipaluyohan sa Komite sa Barangay Affairs ni Konsehal Yan Lam Lim ug sa Komite sa Pamalaod ni Konsehal Edgar Cabanlas.