top of page

Dugang benepisyo sa mga opisyal, kawani sa City Hall madawat



Gipaabot nga mas masadya ang kasaulogan sa pasko sa mga kawani sa City Hall karong tuiga.

Kini human ang konseho sa syudad ubos ni Bise Mayor Bebot Rodriguez mi-aprobar sa ordinansa diin nasukip ang Supplemental Budget No. 3 sa General Fund ug Special Account –Local Economic Enterprises/Utilities sa dakbayan.

Sa maong SB3, P125 milyones sa General Fund ug P38 milyones sa Special Account ang gigahin alang sa pagtunol og Personnel Motivation Incentive (PMI) sa mga opisyal ug kawani sa City Hall.

Sa gipasakang resolosyon sa Perfonamce Management Team nga gipangulohan ni Mayor Klarex Uy, gipasabot nga ang maong benepisyo bugti sa nadawat sa lokal nga kagamhanan nga very satisfactory rating sa tibouk performance sa tuig 2022.

Lakip sa mga nadawat nga pasidungog sa dakbayan sa Cagayan de Oro mao ang 2022 Galing Pook Awards on Education, Rank 8 sa Most Competitive Highly Urbanized City, 2022 Gawad Paglilingkod sa Sambayan (GAPAS) Award ug daghan pang uban.

Ang pagtanyag sa PMI agig pag-ila sa kalamboan dinha sa pagtunol sa de kalidad nga serbisyo ngadto sa publiko nga mas napaduol ug nakatubag sa panginahanglanon sa katawhan.

bottom of page